Kung Lalaki lang ang mga Babae

Kung lalaki lang ang mga babae

Kahit isang sandali lang sana mangyari
Kung lalaki lang ang mga babae
Nang malaman nila kung paano kiligin ang lalaki
Kiligin sa mga mapasamantalang ngiti
Waring walang kapaguran sa kakatitig
At walang gabi ang pangalan mo'y bukambibig

Kung lalaki lang ang mga babae
Nang malaman nila kung paano magmahal ang lalaki
Kung gaano kakulang ang araw 'pag ika'y di nadaratnan
Kung gaano kabilis ang tibok 'pag ikaw ay naririyan
Kung paano masaktan ang ngiting hindi mapansin-pansin mo
Kung gaano kalaki ang paghangad na maging isang bato
Isang batong tiitisod sa'yo para mapansin at makita
At makita ang nakakahumaling mong pagkairita
Ang maging isang bato na iiyakan mo
Isang bato na makikita mo.

Kung lalaki lang ang mga babae
At nang malaman nila kung gaano kahapdi
Kung gaano kahapdi ang mapasamantalang mong pagbati
Kung gaano napaasa sa bawat nakamamatay mong sulyap
Kung paano umasa sa bawat salita ng pag- uusap
Kung gaano ka kahalaga sa kanyang mga pangarap
Kung gaano ka hinahanap-hanap.

Kung lalaki lang ang mga babae
At nang malamang gagawin ang lahat para maibili
Maibigay ang lahat ng gusto
Yung bilhin mo ako nito, dalhin mo ako doon, samahan mo ako dito
Bibilhin ang kahit ano pati na rin ang kalawakan at mundo
Maliban ang hinahangad na puso mo

Kung lalaki lang ang mga babae
Nang malaman nila ang labis na pagkauhaw
Pagkauhaw sa isang baso ng pagmamahal
Kung gaano kahirap ang matunaw sa araw
Kung paano hinayaan ang sariling manigas sa ginaw
Kung lalaki lang ang mga babae
At nang malaman kung gaano nauuhaw
Sa isang patak mula sa baso ng pagmamahal